പിഴച്ച പെണ്ണവള്
കഴുത്തറ്റം മൂടി*
തലയ്ക്കുകല്ലെറി-
ഞ്ഞവളെക്കൊല്ലുക!
വെറും വെറും ചണ്ടി
വെറും ഒരു വോട്ടിന്
ബലം മാത്രം പേറും
അളിഞ്ഞ പെണ്ണവള്!
അവള്ക്കുമേല് ചോദ്യ-
പ്പെരുമഴ തീര്ക്ക;
അവള്- മിണ്ടാതെന്തേ
കിടന്നു-എന്നാര്ക്ക!
പതിനേഴാണ്ടുകള്
കഴിഞ്ഞിട്ടോ നീതി,
കഴിഞ്ഞില്ലേയവള്ക്കൊ-
ടുക്കത്തെപ്പൂതി!
ചരിത്രംതീര്ക്കുന്ന
കൊഴുത്തമാടമ്പിക്കു-
തകുവാനല്ലോ-പെരും
ന്യായാസനം!
കനത്ത രാജ്യത്തെ
നയിക്കും ക്ലേശമീ
നരുന്തുപെണ്ണിനെ-
ന്തറിവുള്ളൂ,കഷ്ടം!
------------
(വേശ്യാവൃത്തിക്ക് മോസസിന്റെ നിയമത്തിലെ ശിക്ഷ)